| | ᠰᠡᠴᠡᠩᠭᠤᠸᠠ ᠵᠤᠬᠢᠶᠠᠪᠠ | ︽ᠨᠡᠶᠢᠬᠡᠮ︾ ᠰᠡᠳᠬᠦᠯ ᠤᠨ ᠨᠠᠶᠢᠷᠠᠭᠤᠯᠤᠬᠴᠢᠳ ᠲᠠᠨᠠ᠄ | ᠲᠠ ᠪᠦᠬᠦᠨ ᠰᠠᠶᠢᠨ ᠪᠠᠶᠢᠵᠠᠭᠠᠨᠠ ᠤᠤ︖ | ᠲᠠᠭᠠᠳᠠᠢ ᠰᠠᠶᠢᠬᠠᠨ ᠡᠪᠤᠯᠵᠢᠵᠤ ᠪᠠᠶᠢᠨᠠ ᠤᠤ︖ | ᠪᠢ ᠪᠤᠯ ᠭᠠᠨᠰᠤ ᠮᠤᠵᠢ ᠶᠢᠨ ᠰᠦᠪᠸᠢ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠰᠢᠶᠠᠨ ᠤ | ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠶᠢᠨ ᠲᠡᠬᠡᠳᠤ ᠲᠤᠮᠳᠠᠳᠤ ᠶᠢᠨ ᠤᠯᠤᠰ ᠲᠦᠷᠤ ᠶᠢᠨ ᠪᠠᠭᠰᠢ ᠰᠡᠴᠡᠩᠭᠤᠸᠠ ᠪᠠᠶᠢᠨᠠ᠃ | ᠶᠠᠭᠤᠨ ᠤ ᠤᠷᠢᠳ ᠲᠠ ᠪᠦᠬᠦᠨ ᠤ ᠠᠷᠢᠭᠤᠨ ᠪᠡᠶᠡ ᠶᠢᠨ ᠯᠠᠬᠱᠠᠨ ᠲᠤᠩᠭᠠᠯᠠᠭ᠂ ᠠᠵᠢᠯ ᠦᠢᠯᠡᠰ ᠤᠨ | ᠦᠨᠳᠤᠷ ᠠᠮᠵᠢᠯᠳᠠ ᠶᠢ ᠵᠦᠡᠭᠨᠡᠨ᠂ ᠠᠷᠤ ᠬᠡᠷ ᠤᠨ ᠠᠵᠨ ᠵᠢᠷᠭᠠᠯ ᠢ ᠪᠡᠯᠬᠡᠯᠡᠶᠡ︕ | ᠪᠢ ᠭᠡᠭᠴᠢ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠬᠦᠳᠡᠭᠡ ᠨᠤᠳᠤᠭ ᠤᠨ ᠰᠢᠮᠡᠯᠢᠭ ᠬᠦᠷᠤᠰᠤᠨ ᠲᠡᠬᠡᠷᠡ ᠬᠦᠯᠪᠤᠷᠢᠨ | ᠦᠰᠴᠤ᠂ ᠬᠦᠬᠡᠷᠤᠬᠦᠨ ᠰᠦᠷᠦᠭ ᠲᠠᠢ ᠪᠠᠨ ᠬᠠᠮᠳᠤ ᠲᠤᠬᠯᠠᠨ ᠨᠠᠭᠠᠳᠴᠤ ᠲᠤᠷᠨᠢᠬᠰᠠᠨ ᠪᠤᠯᠬᠤ᠋ ᠰᠢᠷᠭᠠᠯᠵᠢᠨ | ᠨᠤᠳᠤᠭ ᠤᠨ ᠮᠢᠨᠢ ᠦᠨᠳᠤᠷ ᠰᠦᠷᠯᠢᠭ ᠠᠭᠤᠯᠨ ᠬᠠᠶᠢᠷᠬᠠᠨ᠂ ᠦᠷᠬᠡᠨ ᠲᠤᠩᠭᠠᠯᠠᠭ ᠭᠤᠤᠯ ᠮᠦᠷᠡᠨ᠂ ᠦᠡᠭ | ᠰᠢᠮᠡᠯᠢᠭ ᠨᠤᠳᠤᠭ ᠪᠡᠯᠴᠢᠬᠡᠷ ᠨᠢ ᠨᠠᠮᠠ ᠶᠢ ᠤᠮᠳᠠᠯᠠᠨ ᠢᠳᠡᠬᠡᠰᠢᠬᠦᠯᠵᠤ ᠮᠤᠩᠭᠤᠯ ᠬᠦᠮᠦᠨ ᠤ ᠡᠷᠴᠢ ᠵᠤᠷᠢᠭ ᠪᠠ | ᠢᠳᠡ ᠬᠦᠴᠤᠨ ᠢ ᠰᠤᠷᠢᠵᠤ᠂ ᠢᠵᠠᠭᠤᠷ ᠰᠤᠶᠤᠯ ᠤᠨ ᠮᠢᠨᠢ ᠦᠪ ᠤᠯᠠᠮᠵᠢᠯᠠᠯ ᠢ ᠤᠨᠠᠭᠠᠨ ᠪᠠᠭᠠ ᠶᠢᠨ ᠮᠢᠨᠢ | ᠤᠶᠤᠨ ᠳᠤ ᠪᠠᠨ ᠬᠦᠨ ᠲᠠᠷᠢᠬᠰᠠᠨ ᠪᠢᠯᠨ᠃ | ᠪᠢ ᠮᠤᠩᠭᠤᠯ ᠰᠤᠶᠤᠯ ᠳᠤ ᠪᠠᠨ ᠬᠠᠶᠢᠷᠠᠳᠠᠢ᠂ ᠮᠤᠩᠭᠤᠯ ᠬᠡᠤᠬᠡᠳ ᠲᠤ ᠪᠠᠨ ᠨᠡᠩ ᠬᠠᠶᠢᠷᠠᠳᠠᠢ᠂ ᠪᠠᠭᠰᠢ ᠶᠢᠨ | ᠠᠯᠪᠠ ᠳᠤ ᠪᠠᠨ ᠲᠤᠷᠠ ᠪᠠᠭ᠋ᠠᠳᠠᠢ ᠪᠤᠯᠬᠤᠷ ᠮᠤᠩᠭᠤᠯ ᠬᠡᠤᠬᠡᠳ ᠢᠶᠠᠨ ᠰᠤᠷᠭᠠᠨ ᠬᠦᠮᠤᠵᠢᠬᠦᠯᠬᠦ ᠪᠤᠯ ᠮᠢᠨᠤ ᠲᠠᠷᠬᠠᠨ | ᠡᠬᠦᠷᠬᠡ ᠬᠠᠷᠢᠭᠤᠴᠠᠯᠭᠠ᠂ ᠰᠤᠷᠭᠠᠨ ᠬᠦᠮᠤᠵᠢᠯ ᠤᠨ ᠦᠢᠯᠡᠰ ᠪᠤᠯ ᠮᠢᠨᠤ ᠠᠮᠢᠨ ᠰᠤᠳᠠᠰᠤ᠂ ᠮᠥᠨ ᠴᠦ ᠮᠢᠨᠤ ᠠᠮᠢ | ᠨᠠᠰᠤᠨ ᠤ ᠦᠷᠬᠦᠯᠵᠢᠯᠡᠯ ᠮᠥᠨ᠃ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠨᠤᠮ ᠰᠣᠳᠤᠷ ᠤᠨ ᠬᠤᠷᠤᠬᠠᠢ ᠲᠠᠢ ᠪᠢ ᠶᠡᠷᠡᠬᠡᠳ ᠤᠨ ᠳᠤ ᠨᠢᠬᠡ ᠵᠢᠯ ᠤᠨ | ᠬᠤᠶᠠᠷ ᠤᠳᠠᠭᠠᠨ ᠤ ᠰᠤᠷᠤᠯᠭᠠ ᠶᠢᠨ ᠴᠢᠯᠦᠬᠡ ᠪᠤᠯ ᠨᠠᠳᠠ ᠳᠤ ᠨᠤᠮ ᠤᠡᠭᠰᠢᠬᠤ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠠᠵᠨ | ᠵᠠᠪᠰᠢᠶᠠᠨ ᠪᠠᠶᠢᠯᠠ᠃ ᠬᠠᠷᠠᠮᠰᠠᠯᠳᠠᠢ ᠨᠢ ᠲᠡᠷᠨ ᠦᠶᠡ ᠳᠤ ᠮᠠᠯᠴᠢᠨ ᠭᠠᠵᠠᠷ ᠲᠡᠮᠡᠢ ᠤᠡᠭᠰᠢᠬᠤ ᠬᠡᠳᠤᠨ ᠨᠤᠮ ᠪᠠᠶᠢᠬᠤ | ᠦᠬᠡᠢ ᠲᠤᠯᠨ ᠬᠠᠶ᠋ᠨ ᠵᠠᠷᠢᠮᠨ ᠳᠤ ᠪᠠᠨ ᠵᠡᠷᠬᠡᠯᠡᠳᠡᠭᠡ ᠠᠪᠠᠭᠠ ᠶᠢᠨ ᠬᠡᠷ ᠲᠤ ᠬᠦᠷᠴᠤ ︽ᠦᠪᠤᠷ ᠮᠤᠩᠭᠤᠯ ᠤᠨ | ᠵᠠᠯᠠᠭᠤᠴᠤᠳ︾᠂ ︽ᠦᠪᠤᠷ ᠮᠤᠩᠭᠤᠯ ᠤᠨ ᠡᠮᠡᠭᠳᠡᠶᠢᠴᠤᠳ︾᠂ ︽ᠤᠷᠤᠭ ᠬᠡᠷ ᠪᠦᠯᠢ ᠨᠡᠶᠢᠬᠡᠮ︾ ᠵᠡᠷᠬᠡ | ᠰᠡᠳᠬᠦᠯ ᠢ ᠤᠡᠭᠰᠢᠵᠤ ᠬᠠᠷᠠᠭᠠ ᠪᠠᠨ ᠲᠡᠯᠡᠨ᠂ ᠰᠡᠳᠬᠢᠯ ᠢᠶᠠᠨ ᠰᠡᠷᠬᠦᠬᠡᠳᠡᠭ ᠪᠠᠶᠢᠯᠠ᠃ ᠢᠡᠭᠭᠢᠬᠡᠳ ᠪᠢ ᠤᠳᠤ | ᠶᠢᠨ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ ᠲᠠᠢ ᠲᠠᠨᠢᠯᠴᠠᠵᠤ᠂ ᠰᠡᠳᠬᠦᠯ ᠳᠤ ᠬᠤᠷᠤᠬᠠᠶᠢᠰᠴᠤ ᠡᠬᠢᠯᠡᠭᠰᠡᠨ ᠪᠢᠯᠨ᠃ | 2006 ᠤᠨ ᠳᠤ ᠪᠢ ᠦᠪᠤᠷ ᠮᠤᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠬᠳᠠᠨ ᠤᠷᠤᠭᠠᠳ ︽ | ᠤᠷᠤᠭ ᠬᠡᠷ ᠪᠦᠯᠢ ᠨᠡᠶᠢᠬᠡᠮ︾ ᠰᠡᠳᠬᠦᠯ ᠢ ᠲᠠᠬᠢᠨᠳᠠ ᠤᠯᠵᠤ ᠤᠡᠭᠰᠢᠬᠤ ᠦᠶᠡ ᠳᠤ ᠰᠡᠳᠬᠦᠯ ᠤᠨ ᠨᠡᠷᠡ ᠪᠠᠨ ︽ | ᠨᠡᠶᠢᠬᠡᠮ︾ ᠭᠡᠵᠤ ᠬᠠᠯᠠᠬᠰᠠᠨ ᠪᠤᠯᠪᠠᠴᠤ ᠠᠭᠤᠯᠭᠠ ᠶᠢᠨ ᠲᠠᠯᠠ ᠪᠠᠷ ᠨᠠᠳᠠ ᠳᠤ ᠨᠡᠩ ᠦᠷᠬᠡᠨ ᠮᠡᠳᠡᠯᠬᠡ ᠶᠢ | ᠬᠠᠨᠭ᠍ᠭᠠᠨ᠂ ᠨᠡᠩ ᠤᠯᠠᠨ ᠤᠡᠭᠰᠢᠬᠴᠢᠳ ᠤᠨ ᠬᠦᠰᠡᠯ ᠵᠢᠬᠦᠷ ᠪᠤᠯᠵᠤ ᠪᠠᠶᠢᠬᠰᠠᠨ ᠨᠢ ᠦᠨᠡᠨᠳᠡᠢ᠃ | 2021 ᠤᠨ ᠤ 10 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠨᠢᠬᠡᠨ ᠠᠴᠠ ᠡᠮᠦᠨᠡᠬᠡᠨ ᠪᠢ ᠬᠦᠬᠡᠬᠤᠳᠠ ᠠᠴᠠ ᠬᠤᠶᠠᠷ ᠨᠤᠮ | ᠬᠤᠳᠠᠯᠳᠤᠵᠤ ᠠᠪᠤᠬᠰᠠᠨ ᠢ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ ᠤᠨ ᠬᠡᠳᠤᠨ ᠬᠠᠭᠤᠳᠠᠰᠤ ᠪᠠᠷ ᠪᠠᠭᠯᠠᠵᠤ ᠢᠯᠡᠬᠡᠭᠰᠡᠨ ᠨᠢ | ᠨᠠᠳᠠ ᠳᠤ ᠨᠡᠩ ᠬᠠᠶᠢᠷᠠᠯᠠᠯᠳᠠᠢ᠂ ᠭᠤᠮᠤᠳᠠᠯᠳᠠᠢ ᠰᠠᠨᠠᠬᠳᠠᠵᠤ᠂ ︽ᠮᠤᠩᠭᠤᠯ ᠰᠡᠳᠬᠦᠯ ᠢ ᠮᠢᠨᠢ ᠳ᠋ᠠ ᠁︾ ᠬᠡᠬᠦ | ᠬᠠᠷᠭᠤᠰᠠᠯ ᠲᠦᠷᠦᠭᠳᠡᠨ᠂ ᠪᠠᠭᠯᠠᠭᠠ ᠶᠢ ᠨᠢ ᠬᠢᠴᠢᠶᠡᠮᠵᠢᠳᠡᠶᠢᠬᠡᠨ ᠵᠠᠳᠠᠯᠤᠭᠠᠳ ᠤᠷᠠᠬᠳᠠᠭᠠ ᠦᠬᠡᠢ ᠪᠦᠳᠤᠨ | ᠦᠯᠡᠭᠳᠡᠭᠰᠡᠨ ᠦᠷᠡ ᠶᠢᠨ ᠭᠠᠭᠴᠠᠬᠠᠨ ᠬᠠᠭᠤᠳᠠᠰᠤᠨ ᠲᠡᠬᠡᠷᠡᠬᠢ ︽ᠨᠤᠮ ᠤᠡᠭᠰᠢᠬᠤ ᠲᠠᠳᠬᠠᠯ ᠢᠶᠠᠨ ᠪᠤᠤ | ᠬᠠᠶᠠᠭᠠᠷᠠᠢ︾ ᠬᠡᠬᠦ ᠵᠤᠬᠢᠶᠠᠯ ᠢ ᠨᠢ ᠠᠮᠳᠠᠷᠬᠠᠨ ᠤᠡᠭᠰᠢᠭᠠᠳ᠂ ᠤᠡᠭᠰᠢᠬᠰᠠᠨ ᠨᠤᠮ ᠤᠨ ᠲᠡᠮᠳᠡᠭᠯᠡᠯ ᠳᠤ ᠪᠠᠨ | ᠬᠠᠪᠴᠢᠭᠤᠯᠵᠤ ᠬᠠᠳᠠᠭᠠᠯᠠᠵᠤ ᠲᠠᠯᠪᠢᠬᠰᠠᠨ ᠰᠠᠨ᠃ | ︽ᠢᠷᠤᠬᠡᠯ ᠲᠠᠢ ᠳᠤ ᠪᠠᠨ ᠠᠭᠤᠯᠵᠠᠵᠤ᠂ ᠢᠷᠤᠭᠠᠷ ᠲᠠᠢ ᠳᠤ ᠪᠠᠨ ᠲᠤᠬᠳᠠᠨᠠ︾ ᠬᠡᠳᠡᠭ ᠢᠶᠠᠷ 2021 | ᠤᠨ ᠤ ᠠᠷᠪᠠᠳᠤᠭᠠᠷ ᠰᠠᠷᠠ ᠶᠢᠨ ᠠᠮᠠᠷᠠᠯᠳᠠ ᠶᠢᠨ ᠴᠢᠯᠦᠬᠡ ᠪᠠᠷ ᠬᠤᠯᠨ ᠶᠢᠨ ᠨᠠᠶᠢᠵᠨ ᠮᠢᠨᠢ ᠮᠢᠨᠤ ᠨᠤᠳᠤᠭ ᠢᠶᠠᠷ | ᠠᠶᠢᠯᠴᠢᠯᠠᠵᠤ ᠢᠷᠡᠭᠰᠡᠨ ᠳᠤ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ ᠤᠨ ᠨᠠᠶᠢᠷᠠᠭᠤᠯᠤᠬᠴᠢ᠂ ᠤᠷᠴᠢᠭᠤᠯᠤᠬᠴᠢ ᠰᠠᠶᠢ᠊ · | ᠰᠡᠴᠡᠨᠪᠠᠭᠠᠳᠤᠷ ᠪᠠᠶᠢᠯᠴᠠᠯᠠ᠃ ᠢᠡᠭᠭᠢᠬᠡᠳ ᠮᠢᠨᠤ ᠠᠵᠨ ᠶᠢᠨ ᠲᠡᠭᠷᠢ ᠬᠡᠶᠢᠵᠤ᠂ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ ᠢᠶᠠᠨ | ᠲᠠᠬᠢᠨᠳᠠ ᠤᠡᠭᠰᠢᠬᠤ ᠠᠯᠳᠠᠨ ᠵᠠᠪᠰᠢᠶᠠᠨ ᠤᠯᠳᠠᠬᠰᠠᠨ ᠲᠡᠳᠤᠢ ᠦᠬᠡᠢ ᠰᠦᠪᠸᠢ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ | ᠰᠤᠷᠤᠬᠴᠢᠳ ᠤᠨ ᠠᠯᠠᠭᠠᠨ ᠲᠡᠬᠡᠷᠡ ᠲᠠᠯᠪᠢᠬᠳᠠᠬᠤ ᠪᠤᠯᠤᠯᠠ᠃ ᠰᠠᠶᠢ᠊ · ᠰᠡᠴᠡᠨᠪᠠᠭᠠᠳᠤᠷ ᠠᠬᠠ ︽ᠨᠡᠶᠢᠬᠡᠮ︾ | ᠰᠡᠳᠬᠦᠯ ᠤᠨ ᠡᠷᠤᠬᠡ ᠰᠡᠬᠦᠭᠰᠡᠨ ᠭᠤᠴᠢᠨ ᠵᠢᠯ ᠤᠨ ᠤᠢ ᠳᠤ ᠵᠤᠷᠢᠭᠤᠯᠤᠨ ᠪᠢᠴᠢᠭᠰᠡᠨ ︽ᠰᠡᠳᠬᠦᠯ ᠪᠤᠯ ᠲᠡᠤᠬᠡ | ᠶᠤᠮ︾ ᠬᠡᠳᠡᠭ ᠲᠤᠷᠠᠰᠤᠮᠵᠢ ᠵᠤᠬᠢᠶᠠᠯ ᠳᠤ ᠪᠠᠨ ᠡᠨᠡ ᠲᠤᠬᠠᠢ ᠲᠤᠷᠠᠳᠬᠠᠨ ᠦᠬᠦᠯᠡᠬᠦ ᠳᠤ ᠪᠠᠨ᠄ ︽︿ᠨᠡᠶᠢᠬᠡᠮ﹀ | ᠰᠡᠳᠬᠦᠯ ᠤᠨ ᠬᠤᠷᠢᠶᠠᠨ ᠲᠠᠷᠤᠭᠠ᠂ ᠶᠡᠷᠤᠩᠭᠡᠢ ᠨᠠᠶᠢᠷᠠᠭᠤᠯᠤᠬᠴᠢ ᠬᠠᠢ ᠹᠸᠡᠭ ᠲᠠᠷᠤᠭᠠ ᠳᠤ ᠡᠨᠡ ᠬᠦ ᠬᠤᠪᠤᠷᠬᠠᠨ | ᠲᠤᠬᠢᠶᠠᠯᠳᠤᠯ ᠢᠶᠠᠨ ᠵᠤᠭᠤᠭ ᠪᠤᠯᠭᠠᠵᠤ ᠶᠠᠷᠢᠪᠠᠯ᠄ ︽ᠰᠦᠪᠸᠢ ᠮᠤᠩᠭᠤᠯ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠮᠠᠨ ᠤ | ᠰᠡᠳᠬᠦᠯ ᠬᠦᠷᠤᠬᠡ ᠦᠬᠡᠢ ᠰᠢᠤ᠂ ᠲᠠᠷᠠᠭᠠ ᠰᠠᠷᠠ ᠠᠴᠠ ᠡᠬᠢᠯᠡᠬᠡᠳ ᠲᠡᠳᠡᠨ ᠳᠤ ᠬᠡᠳᠤᠨ ᠲᠡᠪᠳᠡᠷ ᠶᠠᠪᠤᠭᠤᠯᠤᠶᠠ᠂ | ᠲᠠ ᠬᠠᠶ᠋ᠢᠭ ᠢ ᠤᠯᠤᠭᠠᠳ ᠦᠭᠬᠦᠬᠡᠷᠡᠢ︾ ᠬᠡᠰᠡᠨ ᠳᠤ ᠪᠢ ᠰᠢᠬᠢᠷ ᠤᠯᠤᠬᠰᠠᠨ ᠬᠡᠤᠬᠡᠳ ᠰᠢᠭ᠋ ᠪᠠᠶᠠᠷᠯᠠᠨ ᠡᠨᠡ ᠬᠦ | ᠬᠠᠯᠠᠭᠤᠨ ᠴᠢᠮᠡᠭᠡ ᠶᠢ ᠲᠤᠤᠷᠠ ᠨᠢ ᠰᠡᠴᠡᠩᠭᠤᠸᠠ ᠪᠠᠭᠰᠢ ᠳᠤ ᠢᠯᠡᠬᠡᠵᠤ᠂ ᠰᠦᠪᠸᠢ ᠮᠤᠩᠭᠤᠯ ᠲᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠨᠤᠮ ᠤᠨ ᠰᠠᠩ ᠤᠨ ᠬᠠᠶ᠋ᠢᠭ ᠢ ᠨᠢ ᠠᠪᠴᠣ ᠪᠢᠯᠨ᠃ ᠲᠡᠶᠢᠮᠤ ᠡ᠂ ᠲᠠᠷᠠᠭᠠ ᠰᠠᠷᠠ ᠠᠴᠠ ᠮᠠᠨ | ᠤ ᠰᠡᠳᠬᠦᠯ ᠴᠡᠬᠡᠯ ᠠᠭᠤᠯᠨ ᠶᠢᠨ ᠬᠤᠷᠮᠤᠢ ᠳᠤ᠂ ᠴᠡᠩᠭᠡᠷ ᠭᠤᠪᠢ ᠳᠤ ᠰᠦᠨᠳᠡᠷᠯᠡᠭᠰᠡᠨ ᠰᠦᠪᠸᠢ ᠮᠤᠩᠭᠤᠯ | ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠤᠶᠠᠭᠠᠨ ᠳᠤ ᠪᠠᠭᠤᠬᠤ ᠲᠡᠳᠤᠢ ᠦᠬᠡᠢ ᠰᠦᠷᠦᠭ ᠲᠤ ᠨᠢ ᠢᠵᠢᠯᠢᠰᠢᠵᠤ᠂ ᠰᠦᠮᠪᠤᠷ | ᠮᠦᠡᠭᠭᠡ ᠶᠢᠨ ᠡᠩᠭᠡᠷ ᠲᠤ ᠨᠤᠳᠤᠬᠰᠢᠬᠤ ᠪᠤᠯᠤᠨᠠ᠂ ᠶᠠᠭᠤᠳᠠᠢ ᠪᠠᠶᠠᠷ᠂ ᠶᠠᠭᠤᠳᠠᠢ ᠵᠠᠪᠰᠢᠶᠠᠨ︾ ᠭᠡᠵᠤ | ᠲᠡᠮᠳᠡᠭᠯᠡᠭᠰᠡᠨ ᠪᠢᠯᠨ᠃ | ᠤᠳᠤ ᠪᠢ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ ᠢ ᠬᠤᠭᠤᠴᠠᠭᠠ ᠪᠦᠷᠢ ᠠᠯᠳᠠᠯ ᠦᠬᠡᠢ ᠤᠡᠭᠰᠢᠬᠤ ᠳᠤ ᠰᠡᠳᠬᠢᠯ ᠳᠤ | ᠨᠢᠬᠡ ᠯᠨ ᠲᠠᠭᠠᠳᠠᠢ ᠰᠠᠨᠠᠬᠳᠠᠵᠤ ᠬᠠᠭᠤᠴᠢᠨ ᠲᠠᠨᠢᠯ ᠢᠶᠠᠨ ᠤᠯᠤᠭᠠᠳ ᠠᠪᠤᠬᠰᠠᠨ ᠰᠢᠭ᠋ ᠵᠢᠷᠤᠬᠡ ᠰᠡᠳᠬᠢᠯ ᠬᠦᠬᠢᠨ | ᠲᠤᠬᠳᠤᠯᠵᠤ᠂ ᠭᠠᠷᠳᠠᠮᠠᠬᠴᠨ ᠪᠠᠨ ᠨᠢᠬᠡ ᠯᠨ ᠠᠮᠢᠰᠬᠤᠭᠠ ᠪᠠᠷ ᠤᠡᠭᠰᠢᠵᠤ ᠪᠠᠷᠠᠭᠠᠭᠠᠳ ᠠᠭᠤᠵᠢᠷᠠᠳᠠᠭ ᠪᠤᠯᠤᠯᠠ᠃ | ᠰᠡᠳᠬᠦᠯ ᠪᠢᠳᠡ ᠬᠤᠶᠠᠷ ᠰᠠᠷᠠ ᠳᠤ ᠪᠠᠨ ᠨᠢᠬᠡ ᠠᠭᠤᠯᠵᠠᠵᠤ᠂ ᠠᠭᠤᠵᠢᠷᠠᠳᠠᠯᠠ ᠵᠤᠭᠤᠬᠳᠠᠬᠰᠠᠨ ᠰᠢᠭ᠋ ᠵᠢᠷᠤᠬᠡᠨ ᠤ | ᠤᠭ ᠠᠴᠠ ᠪᠠᠨ ᠬᠦᠭᠰᠡᠨ ᠪᠠᠶᠠᠷᠯᠠᠵᠤ ᠲᠤᠮᠤ ᠡᠬᠦᠷᠬᠡ ᠪᠠᠨ ᠪᠡᠶᠡᠯᠡᠬᠦᠯᠦᠭᠰᠡᠨ ᠰᠢᠭ ᠪᠠᠶᠠᠷ ᠬᠦᠷ ᠲᠠᠢ᠂ ᠵᠢᠷᠭᠠᠯᠳᠠᠢ | ᠰᠠᠨᠠᠬᠳᠠᠬᠤ ᠶᠢ ᠶᠠᠭᠤᠨ ᠦᠬᠦᠯᠡᠬᠦ︖ | ︽ᠨᠡᠶᠢᠬᠡᠮ︾ ᠰᠡᠳᠬᠦᠯ ᠪᠤᠯ ᠮᠢᠨᠤ ᠰᠡᠳᠬᠢᠯ ᠤᠨ ᠬᠠᠨᠢ᠂ ᠰᠠᠷᠠ ᠶᠢᠨ ᠪᠤᠯᠵᠤᠭᠠ᠂ ᠠᠮᠢᠳᠤᠷᠠᠯ ᠤᠨ ᠬᠦᠳᠤᠴᠢ | ᠂ ᠰᠤᠷᠤᠯᠴᠠᠬᠤ ᠬᠠᠷᠠᠯᠳᠠ᠂ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠲᠡᠪᠰᠢᠯᠳᠠ ᠤᠷᠤᠬᠰᠢᠯᠠᠯᠳᠠ ᠶᠢᠨ ᠱᠠᠳᠤ ᠮᠥᠨ᠃ | ᠰᠠᠶᠢ᠊ · ᠰᠡᠴᠡᠨᠪᠠᠭᠠᠳᠤᠷ ᠠᠬᠠ ᠳᠤ ᠪᠠᠨ ᠲᠠᠯᠠᠷᠬᠠᠶᠠ᠃ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ ᠤᠨ ᠬᠢᠨ ᠳᠤ ᠪᠠᠨ | ᠲᠠᠯᠠᠷᠬᠠᠶᠠ᠃ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ ᠮᠠᠨᠢ ᠮᠤᠩᠭᠤᠯ ᠰᠤᠶᠤᠯ ᠤᠨ ᠵᠤᠯᠨ ᠪᠤᠯᠤᠨ ᠬᠡᠷᠡᠯᠳᠤᠵᠤ᠂ ᠮᠦᠡᠭᠭᠡᠳᠡ | ᠪᠠᠳᠠᠷᠠᠨ ᠤᠷᠤᠰᠢᠬᠤ ᠪᠤᠯᠳᠤᠭᠠᠢ ᠬᠡᠰᠡᠨ ᠠᠷᠢᠭᠤᠨ ᠵᠦᠡᠭᠨᠡᠯ ᠢᠶᠠᠨ ᠲᠡᠪᠰᠢᠬᠦᠯᠤᠶᠡ᠃ | ᠡᠬᠦᠨ ᠤ ᠲᠤᠯᠨ | ᠰᠡᠴᠡᠩᠭᠤᠸᠠ ᠮᠡᠬᠦᠶᠢᠨ ᠶᠤᠰᠤᠯᠠᠪᠠ | 2021 ᠤᠨ ᠤ 12 ᠳ᠋ᠤᠭᠠᠷ ᠰᠠᠷᠠ ᠶᠢᠨ 28 ᠤ ᠦᠯᠵᠡᠶᠢᠳᠤ ᠡᠳᠤᠷ᠃ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠭᠠᠨᠰᠤ ᠮᠤᠵᠢ ᠶᠢᠨ ᠰᠦᠪᠸᠢ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ | ᠰᠢᠶᠠᠨ ᠤ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ | |