ᠨᠢᠭᠡ᠂ ᠭᠡᠷ  ᠤᠨ ᠲᠠᠤᠯᠠᠢ  ᠶᠢᠨ ᠠᠮᠠᠷᠠᠤ  ᠶᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠪᠠᠶᠢᠪᠠᠨᠭ᠌  ᠢ ᠰᠢᠳᠠᠭᠠᠵᠤ ᠨᠠᠷᠢᠯᠢᠭ ᠲᠠᠯᠬᠠᠳᠠᠭᠠᠳ ᠲᠠᠤᠯᠠᠢ  ᠶᠢᠨ ᠤᠷᠤᠭᠤᠯ ᠲᠡᠭᠡᠷ᠎ᠠ 5 ~ 6 ᠤᠳᠠᠭ᠎ᠠ ᠲᠦᠷᠭᠢᠪᠡᠯ ᠪᠠᠷᠤᠭ ᠡᠳᠡᠭᠡᠷᠡᠴᠢᠭᠡᠳᠡᠭ᠃
      ᠬᠤᠶᠠᠷ᠂ ᠲᠠᠤᠯᠠᠢ  ᠶᠢᠨ ᠪᠠᠭᠠᠯᠵᠤᠤᠷ  ᠤᠨ ᠦᠷᠪᠢᠰᠦᠯ  ᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠯᠢᠤ ᠱᠸᠠ ︵六神丸︶ ᠦᠷᠢᠯ  ᠢ ᠭᠡᠮᠨᠡᠭᠰᠡᠨ ᠲᠠᠤᠯᠠᠢ ᠳᠤ ᠦᠭᠴᠤ ᠤᠤᠭᠤᠯᠭᠠᠨ᠎ᠠ᠃ ᠭᠡᠭᠦ ᠳᠡᠭᠡᠨ ᠤᠳᠠᠭ᠎ᠠ ᠪᠦᠷᠢ 3 ~ 5 ᠦᠷᠢᠯ ︵ᠪᠦᠵᠦᠩ ᠳᠤ ᠪᠤᠯ ᠬᠠᠭᠠᠰ ᠦᠷᠢᠯ︶᠂ ᠡᠳᠤᠷ ᠲᠤ ᠨᠢᠭᠡ ᠤᠳᠠᠭ᠎ᠠ᠂ ᠨᠠᠶᠢᠳᠡ 3 ᠤᠳᠠᠭ᠎ᠠ ᠤᠤᠭᠤᠯᠭᠠᠨ᠎ᠠ᠃
      ᠭᠤᠷᠪᠡ᠂ ᠲᠠᠤᠯᠠᠢ  ᠶᠢᠨ ᠬᠠᠨᠢᠶᠠᠳᠤ ᠪᠠ ᠨᠢᠰᠤ ᠭᠤᠭᠤᠵᠢᠬᠤ  ᠶᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠤᠳᠠᠭ᠎ᠠ ᠪᠦᠷᠢ 1/4 ᠬᠤᠪᠢ  ᠶᠢᠨ ᠠᠰᠫᠢᠷᠢᠨ ᠦᠭᠴᠤ ᠤᠤᠭᠤᠯᠭᠠᠵᠤ᠂ ᠡᠳᠤᠷ ᠲᠤ 3 ᠤᠳᠠᠭ᠎ᠠ ᠤᠤᠭᠤᠯᠭᠠᠨ᠎ᠠ᠃
      ᠲᠦᠷᠪᠡ᠂ ᠲᠠᠤᠯᠠᠢ  ᠶᠢᠨ ᠠᠭᠤᠰᠭᠢᠨ ᠦᠷᠪᠢᠰᠦᠯ  ᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠲᠦ᠋ ᠮᠸᠢ ᠰᠤ᠋  ᠶᠢ 0.5 ᠭᠷᠡᠮ  ᠤᠨ ᠭᠡᠮᠵᠢᠶ᠎ᠠ ᠪᠠᠷ ᠡᠳᠤᠷ ᠲᠤ 2 ~ 3 ᠤᠳᠠᠭ᠎ᠠ ᠤᠤᠭᠤᠯᠭᠠᠨ᠎ᠠ᠃ ᠭᠦᠨᠳᠤ ᠭᠡᠮᠨᠡᠭᠰᠡᠨ ᠪᠠᠶᠢᠪᠠᠯ ᠪᠤᠯᠴᠢᠩ ᠮᠢᠬᠠᠨ ᠳᠤᠨᠢ ᠴᠢᠩ ᠮᠸᠢ ᠰᠤ᠋  ᠶᠢ 5 ᠲᠦᠮᠡᠨ ᠨᠢᠭᠡᠴᠢ ᠪᠠᠷ ᠡᠳᠤᠷ ᠲᠤ 2 ᠤᠳᠠᠭ᠎ᠠ᠂ ᠨᠠᠶᠢᠳᠡ 3 ᠡᠳᠤᠷ ᠲᠠᠷᠢᠨ᠎ᠠ᠃ ᠴᠢᠬᠤᠯᠠ ᠲᠢ ᠦᠶ᠎ᠠ ᠳᠤ ᠫᠢᠷᠢᠮᠢᠳᠢᠨ ᠪᠤᠯᠤᠨ ᠠᠨ ᠲᠦᠡᠭ ᠳ᠋ᠢᠩ ᠲᠠᠷᠢᠯᠭ᠎ᠠ  ᠶᠢᠨ ᠠᠭᠤᠰᠤᠮᠠᠯ  ᠢ ᠨᠡᠮᠡᠵᠤ ᠵᠡᠭᠦᠤᠯᠡᠵᠤ ᠪᠤᠯᠤᠨ᠎ᠠ᠃
       ᠲᠠᠪᠤ᠂ ᠲᠠᠤᠯᠠᠢ  ᠶᠢᠨ ᠲᠠᠪᠤᠰᠠᠩ  ᠤᠨ ᠦᠷᠪᠢᠰᠦᠯ  ᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠲᠠᠤᠯᠠᠢ ᠲᠠᠪᠤᠰᠠᠩ  ᠤᠨ ᠦᠷᠪᠢᠰᠦᠯ ᠳᠤ ᠨᠡᠷᠪᠡᠭᠳᠡᠪᠡᠯ ᠪᠠᠭᠪᠠᠭ᠋ᠠᠢ ᠴᠡᠴᠡᠭ᠂ ᠨᠠᠷᠠᠨ ᠨᠤᠭᠤᠭ᠎ᠠ ᠭᠢᠭᠡᠳ ᠦᠭᠡᠷ ᠦᠷᠭᠡᠨ᠎ᠠ  ᠶᠢᠨ ᠡᠪᠡᠰᠤᠨ ᠲᠡᠵᠢᠭᠡᠯ ᠦᠭᠴᠤ ᠲᠠᠵᠢᠭᠡᠪᠡᠯ ᠦᠷ᠎ᠡ ᠪᠦᠳᠦᠮᠵᠢ ᠪᠠᠷ ᠰᠠᠶᠢᠨ ᠪᠠᠶᠢᠳᠠᠭ᠃
       ᠵᠢᠷᠭᠤᠭ᠎ᠠ᠂ ᠲᠠᠤᠯᠠᠢ  ᠶᠢᠨ ᠭᠦᠭᠦᠨ  ᠤ ᠦᠷᠪᠢᠰᠦᠯ  ᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠭᠡᠮᠨᠡᠭᠰᠡᠨ ᠲᠠᠤᠯᠠᠢ  ᠶᠢᠨ ᠪᠤᠯᠴᠢᠩ ᠮᠢᠬᠠᠨ ᠳᠤᠨᠢ ᠴᠢᠩ ᠮᠸᠢ ᠰᠤ᠋  ᠶᠢ 5 ~ 10 ᠲᠦᠮᠡᠨ ᠨᠢᠭᠡᠴᠢ ᠪᠠᠷ ᠡᠳᠤᠷ ᠲᠤ 2 ᠤᠳᠠᠭ᠎ᠠ᠂ ᠨᠠᠶᠢᠳᠡ 3 ~ 5 ᠡᠳᠤᠷ ᠵᠡᠭᠦᠤᠯᠡᠨ᠎ᠡ᠃ ᠪᠠᠰᠠ ᠪᠠᠭᠪᠠᠭ᠋ᠠᠢ ᠴᠡᠴᠡᠭ ᠵᠡᠷᠭᠡ ᠡᠪᠡᠰᠤ ᠪᠠᠷ ᠲᠡᠵᠢᠭᠡᠪᠡᠯ ᠭᠦᠡᠭᠭᠡᠨ ᠰᠢᠭ ᠭᠡᠮᠨᠡᠭᠰᠡᠨ ᠨᠢ ᠭᠡᠳᠦᠨ ᠡᠳᠤᠷ ᠲᠤ ᠡᠳᠡᠭᠡᠷᠡᠴᠢᠭᠡᠭᠦ ᠶᠤᠮ᠃
       ᠲᠤᠯᠤᠭ᠎ᠠ᠂ ᠲᠠᠤᠯᠠᠢ  ᠶᠢᠨ ᠭᠡᠳᠡᠰᠤ ᠭᠦᠭᠡᠭᠡᠭᠦ ᠭᠡᠮ  ᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠲᠤᠰ ᠭᠡᠮ  ᠢ ᠵᠠᠰᠠᠬᠤ ᠳᠤ 3 ~ 5 ᠲᠤᠰᠤᠯ ᠱᠢ ᠳ᠋ᠢ ᠱᠦᠢ ︵十滴水︶ ᠪᠤᠶᠤ 1 ~ 2 ᠭᠢᠰᠢᠭᠦᠨ᠎ᠠ ᠰᠤᠳᠠ  ᠶᠢᠨ ᠬᠠᠪᠳᠠᠭᠠᠢ ᠦᠭᠴᠤ ᠪᠤᠯᠤᠨ᠎ᠠ᠃ ᠪᠠᠰᠠ 0.5 ~ 1 ᠭᠷᠡᠮ ᠰᠤᠳᠠ  ᠶᠢᠨ ᠲᠠᠯᠬ᠎ᠠ ᠦᠭᠴᠤ ᠪᠤᠯᠤᠨ᠎ᠠ᠃
       ᠨᠡᠢᠮᠡ᠂ ᠲᠠᠤᠯᠠᠢ  ᠶᠢᠨ ᠰᠠᠯᠢᠰᠤᠳᠤ ᠪᠦᠷᠭᠦᠪᠴᠢ  ᠶᠢᠨ ᠦᠷᠪᠢᠰᠦᠯ ᠪᠤᠶᠤ ᠡᠪᠡᠷᠯᠢᠭ ᠪᠦᠷᠭᠦᠪᠴᠢ  ᠶᠢᠨ ᠦᠷᠪᠢᠰᠦᠯ  ᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠲᠤᠰ ᠭᠡᠮ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠲᠠᠤᠯᠠᠢ  ᠶᠢᠨ ᠨᠢᠳᠤ  ᠶᠢ ᠲᠠᠪᠤᠰᠤ ᠲᠠᠢ ᠤᠰᠤ ᠪᠠᠷ ᠤᠭᠢᠶᠠᠵᠤ᠂ ᠨᠢᠳᠤᠨ ᠳᠤᠨᠢ ᠴᠢᠩ ᠮᠸᠢ ᠰᠤ᠋ ᠲᠦᠷᠭᠢᠵᠤ᠂ ᠡᠳᠤᠷ ᠲᠤ 2 ~ 3  ᠤᠳᠠᠭ᠎ᠠ᠂ 3 ~ 5 ᠡᠳᠤᠷ  ᠢ ᠨᠢᠭᠡ ᠡᠮᠴᠢᠯᠡᠭᠡᠨ  ᠤ ᠶᠠᠪᠤᠴᠠ ᠪᠠᠷ ᠪᠤᠳᠤᠨ᠎ᠠ᠃ ᠡᠭᠦᠨ  ᠤ ᠲᠠᠭᠠᠤ ᠪᠠᠰᠠ ᠵᠡᠷᠯᠢᠭ ᠤᠳ᠋ᠪᠠᠯ᠎ᠠ ᠡᠪᠡᠰᠤ ᠪᠠᠷ ᠲᠡᠵᠢᠭᠡᠭᠰᠡᠨ ᠴᠤ ᠪᠤᠯᠤᠨ᠎ᠠ᠃
       ᠶᠢᠰᠤ᠂ ᠲᠠᠤᠯᠠᠢ  ᠶᠢᠨ ᠬᠠᠮᠠᠭᠤ  ᠶᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠲᠠᠤᠯᠠᠢ  ᠶᠢᠨ  ᠬᠠᠮᠠᠭᠤᠷᠬᠠᠰᠠᠨ ᠭᠡᠰᠡᠭ ᠲᠤ ᠴᠤᠬᠤᠢ  ᠶᠢᠨ ᠨᠤᠠᠳᠠᠭ ᠰᠢᠪᠡᠵᠤ᠂ ᠲᠠᠤᠯᠠᠢ ᠪᠠᠨ ᠬᠠᠭᠠᠰ ᠴᠠᠭ ᠭᠢᠷᠢᠳᠡᠢ ᠭᠡᠪᠳᠡᠭᠦᠯᠭᠦ ᠦᠭᠡᠢ ᠪᠠᠷ ᠵᠤᠠᠠᠰᠤᠭᠠᠨ᠎ᠠ᠃ ᠭᠡᠭᠦ ᠳᠡᠭᠡᠨ ᠡᠳᠤᠷ ᠲᠤ ᠨᠢᠭᠡ ᠤᠳᠠᠭ᠎ᠠ᠂ 3 ~ 5 ᠡᠳᠤᠷ ᠦᠷᠭᠦᠯᠵᠢᠯᠡᠭᠦᠯᠦᠨ᠎ᠠ᠃
      ᠠᠷᠪᠡ᠂ ᠲᠠᠤᠯᠠᠢ  ᠶᠢᠨ ᠴᠢᠴᠠᠭ᠎ᠠ ᠠᠯᠳᠠᠬᠤ  ᠶᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ ᠠᠷᠢᠶᠠᠳᠠᠨ  ᠤ ᠶᠠᠰᠤ  ᠶᠢ ᠦᠨᠡᠰᠤ ᠪᠤᠯᠳᠠᠯ᠎ᠠ ᠰᠢᠳᠠᠭᠠᠵᠤ ᠲᠠᠯᠬᠠᠳᠠᠭᠠᠳ ᠲᠠᠵᠢᠭᠡᠯ ᠪᠤᠷᠳᠤᠭ᠎ᠠ ᠳᠤᠨᠢ ᠬᠤᠯᠢᠵᠤ ᠲᠠᠤᠯᠠᠢ ᠪᠠᠨ ᠲᠡᠵᠢᠭᠡᠨ᠎ᠡ᠃ ᠪᠠᠰᠠ ᠭᠢᠰᠢᠭᠦᠨ᠎ᠠ  ᠶᠢ ᠴᠢᠨᠠᠵᠤ ᠲᠠᠯᠬᠠᠳᠠᠭᠠᠳ ᠤᠰᠤ ᠲᠠᠢ ᠨᠢ ᠴᠢᠳᠬᠤᠨ ᠦᠭᠴᠤ ᠪᠤᠯᠤᠨ᠎ᠠ᠃
      ᠠᠷᠪᠡᠨ ᠨᠢᠭᠡ᠂ ᠲᠠᠤᠯᠠᠢ  ᠶᠢᠨ ᠪᠦᠮᠪᠤᠭᠡᠨ ᠬᠤᠷᠤᠬᠠᠶᠢᠳᠤ ᠭᠡᠮ  ᠢ ᠡᠮᠨᠡᠨ ᠵᠠᠰᠠᠬᠤ ᠠᠷᠭ᠎ᠠ᠄ 2％  ᠤᠨ ᠢᠤᠳ᠋  ᠢ ᠲᠡᠵᠢᠭᠡᠯ ᠪᠤᠷᠳᠤᠭ᠎ᠠ ᠳᠤᠨᠢ 5 ᠲᠤᠰᠤᠯ ᠬᠤᠯᠢᠵᠤ ᠲᠠᠤᠯᠠᠢ ᠪᠠᠨ ᠲᠡᠵᠢᠭᠡᠨ᠎ᠡ᠃ ᠭᠡᠭᠦ ᠳᠡᠭᠡᠨ ᠡᠨᠡ ᠮᠡᠳᠤ ᠪᠠᠷ 10 ᠡᠳᠤᠷ ᠦᠷᠭᠦᠯᠵᠢᠯᠡᠨ ᠲᠡᠵᠢᠭᠡᠪᠡᠯ ᠠᠴᠢ ᠲᠤᠰᠠ ᠪᠠᠷ ᠰᠠᠶᠢᠨ ᠪᠠᠶᠢᠳᠠᠭ᠂ ᠪᠠᠰᠠ ᠰᠠᠷᠢᠮᠰᠠᠭ  ᠢ ᠲᠡᠵᠢᠭᠡᠯ ᠳᠤᠨᠢ ᠬᠤᠯᠢᠵᠤ ᠲᠡᠵᠢᠭᠡᠭᠰᠡᠨ ᠴᠤ ᠦᠷ᠎ᠠ ᠪᠦᠳᠦᠮᠵᠢ ᠪᠠᠷ ᠨᠡᠯᠢᠶᠡᠳ ᠰᠠᠶᠢᠨ ᠶᠤᠮ᠃
      ᠠᠷᠪᠡᠨ ᠬᠤᠶᠠᠷ᠂ ᠲᠠᠤᠯᠠᠢ  ᠶᠢᠨ ᠪᠦᠭᠡᠰᠤ  ᠶᠢ ᠠᠷᠢᠯᠭᠠᠬᠤ ᠠᠷᠭ᠎ᠠ᠄ 6％  ᠶᠢᠨ ︽666︾ ᠠᠭᠤᠰᠤᠮᠠᠯ  ᠶᠢ ᠨᠢᠭᠡ ᠬᠤᠪᠢ ᠠᠪᠴᠤ᠂ ᠬᠤᠰᠠ ᠴᠢᠯᠠᠭᠤᠨ ᠨᠤᠠᠳᠠᠭ  ᠢ 60 ᠬᠤᠪᠢ ᠠᠪᠴᠤ ᠬᠤᠯᠢᠵᠤ ᠨᠠᠶᠢᠷᠠᠭᠤᠯᠤᠭᠠᠳ ᠲᠠᠪᠬᠤᠷ ᠱᠠ ᠪᠦᠰ  ᠢᠶᠠᠷ ᠰᠠᠶᠢᠳᠤᠷ ᠪᠤᠭᠤᠵᠤ᠂ ᠲᠠᠤᠯᠠᠢ  ᠶᠢᠨ ᠨᠤᠤᠰᠤ  ᠶᠢ ᠰᠦᠷᠴᠤ ᠠᠷᠴᠢᠵᠤ ᠵᠦᠯᠭᠦᠨ᠎ᠠ᠃ ᠭᠡᠭᠦ ᠳᠡᠭᠡᠨ 10 ᠡᠳᠤᠷ ᠠᠯᠤᠰᠯᠠᠬᠤ ᠪᠦᠷᠢ ᠨᠢᠭᠡ ᠤᠳᠠᠭ᠎ᠠ ᠵᠦᠯᠭᠦᠪᠡᠯ ᠦᠷ᠎ᠠ ᠳ᠋ᠦᠡᠭ ᠨᠢ ᠨᠡᠩ ᠰᠠᠶᠢᠨ ᠪᠠᠶᠢᠳᠠᠭ᠃