ᠲᠠᠤᠯᠠᠢ  ᠶᠢᠨ ᠫᠠᠰᠲᠸᠦ᠋ᠷ ᠰᠠᠪᠬᠠᠨ ᠪᠠᠺᠲ᠋ᠧᠷᠢᠳᠤ ᠭᠡᠮ ᠪᠤᠯ ᠫᠠᠰᠲᠸᠦ᠋ᠷ ᠰᠠᠪᠬᠠᠨ ᠪᠠᠺᠲ᠋ᠧᠷᠢ  ᠶᠢ ᠠᠷᠪᠢᠨ ᠠᠯᠬᠠᠰᠠᠨ ᠠᠴᠠ ᠡᠭᠦᠰᠳᠡᠭ ᠨᠢᠭᠡ ᠵᠤᠶᠢᠯ  ᠤᠨ ᠬᠠᠯᠳᠠᠪᠤᠷᠢᠳᠤ ᠭᠡᠮ ᠪᠤᠯᠤᠨ᠎ᠠ᠃ ᠲᠤᠰ ᠭᠡᠮ ᠳᠤ ᠬᠠᠮᠠᠷ  ᠤᠨ ᠦᠷᠪᠢᠰᠦᠯ᠂ ᠤᠷᠤᠨ ᠨᠤᠳᠤᠭ  ᠤᠨ ᠲᠠᠬᠤᠯᠳᠤ ᠠᠭᠤᠰᠭᠢᠨ ᠦᠷᠪᠢᠰᠦᠯ᠂ ᠪᠦᠭᠦ ᠪᠡᠶ᠎ᠠ  ᠶᠢᠨ ᠴᠢᠰᠤ ᠦᠵᠢᠷᠡᠭᠦ ᠭᠡᠮ᠂ ᠲᠤᠮᠳᠠ ᠴᠢᠭᠢᠨ ᠦᠷᠪᠢᠰᠦᠯ᠂ ᠰᠠᠯᠢᠰᠤᠳᠤ ᠪᠦᠷᠭᠦᠪᠴᠢ  ᠶᠢᠨ ᠦᠷᠪᠢᠰᠦᠯ᠂ ᠤᠮᠠᠢ ᠳᠤ ᠢᠳᠡᠭᠡ ᠴᠤᠠᠠᠯᠠᠷᠠᠬᠤ᠂ ᠲᠦᠮᠦᠰᠤ  ᠶᠢᠨ ᠦᠷᠪᠢᠰᠦᠯ ᠵᠡᠷᠭᠡ ᠠᠳᠠᠯᠢ ᠪᠤᠰᠤ  ᠶᠢᠨ ᠢᠯᠡᠷᠡᠯ ᠲᠠᠢ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠭᠡᠮᠨᠡᠭᠰᠡᠨ ᠪᠠᠶᠢᠳᠠᠯ  ᠢ ᠦᠨᠳᠦᠰᠦᠯᠡᠨ ᠲᠤᠤᠷᠠᠭᠢ ᠭᠤᠷᠪᠡᠨ ᠲᠦᠷᠦᠯ ᠭᠡᠯᠪᠡᠷᠢ ᠳᠤ ᠬᠤᠪᠢᠶᠠᠨ᠎ᠠ᠃
     1. ᠲᠦᠷᠭᠡᠨ ᠴᠢᠨᠠᠷ  ᠤᠨ ᠭᠡᠯᠪᠡᠷᠢ᠄ ᠵᠠᠷᠢᠮ ᠭᠡᠮ ᠲᠠᠢ ᠲᠠᠤᠯᠠᠢ ᠡᠮᠴᠢᠯᠡᠭᠡᠨ  ᠤ ᠰᠢᠨᠵᠢ ᠲᠡᠮᠳᠡᠭ ᠪᠠᠶᠢᠬᠤ ᠦᠭᠡᠢ ᠪᠠᠷ ᠭᠡᠨᠡᠳᠳᠡ ᠦᠭᠦᠳᠡᠭ᠃ ᠤᠯᠠᠩᠭᠢ ᠭᠡᠮ ᠲᠠᠢ ᠲᠠᠤᠯᠠᠢ  ᠶᠢᠨ ᠴᠤᠭ ᠰᠦᠯᠳᠡ ᠨᠢ ᠪᠠᠭᠤᠷᠠᠵᠤ᠂ ᠢᠳᠡᠰᠢᠯᠡᠭᠦ ᠲᠤᠷᠠᠰᠢᠯ ᠦᠭᠡᠢ ᠪᠤᠯᠵᠤ᠂ ᠪᠡᠶ᠎ᠠ  ᠶᠢᠨ ᠲᠤᠯᠠᠭᠠᠨ ᠨᠢ ᠲᠡᠭᠡᠭᠰᠢᠯᠡᠵᠤ᠂ ᠠᠮᠢᠰᠬᠤᠯ ᠴᠢᠬᠤᠯᠳᠠᠵᠤ᠂ ᠬᠠᠮᠠᠷ  ᠤᠨ ᠨᠦᠭᠡ ᠠᠴᠠ ᠨᠢ ᠰᠢᠭᠦᠰᠦᠯᠢᠭ ᠢᠳᠡᠭᠡᠳᠤ ᠨᠢᠰᠤ ᠭᠤᠭᠤᠵᠢᠵᠤ᠂ ᠵᠠᠷᠢᠮ ᠦᠶ᠎ᠠ ᠳᠤ ᠴᠢᠴᠠᠭ᠎ᠠ ᠠᠯᠳᠠᠳᠠᠭ᠃ ᠭᠡᠮ  ᠤᠨ ᠶᠠᠪᠤᠴᠠ ᠨᠢ ᠨᠡᠯᠢᠶᠡᠳ ᠪᠤᠭᠤᠨᠢ ᠪᠠᠶᠢᠵᠤ᠂ ᠭᠡᠮᠨᠡᠭᠰᠡᠨ ᠪᠠᠶᠢᠳᠠᠯ ᠢᠯᠡᠷᠡᠭᠰᠡᠨ  ᠤ ᠲᠠᠷᠠᠭ᠎ᠠ 12 ~ 48 ᠴᠠᠭ  ᠤᠨ ᠲᠤᠳᠤᠷ᠎ᠡ ᠦᠭᠦᠳᠡᠭ᠃
      2. ᠲᠡᠳ᠋ ᠲᠦᠷᠭᠡᠨ ᠴᠢᠨᠠᠷ  ᠤᠨ ᠭᠡᠯᠪᠡᠷᠢ᠄ ᠭᠡᠮ ᠲᠠᠢ ᠲᠠᠤᠯᠠᠢ ᠬᠠᠯᠠᠭᠤᠷᠠᠵᠤ᠂ ᠴᠤᠭ ᠰᠦᠯᠳᠡ ᠨᠢ ᠪᠠᠭᠤᠷᠠᠨ᠂ ᠢᠳᠡᠰᠢᠯᠡᠭᠦ ᠲᠤᠷᠠᠰᠢᠯ ᠦᠭᠡᠢ ᠪᠤᠯᠵᠤ᠂ ᠨᠢᠳᠤᠨ ᠪᠦᠷᠭᠦᠪᠴᠢ ᠨᠢ ᠦᠷᠪᠢᠰᠦᠯ ᠲᠠᠢ ᠪᠤᠯᠬᠤ ᠪᠤᠶᠤ ᠨᠢᠯᠪᠤᠰᠤ ᠭᠤᠭᠤᠵᠢᠭᠤᠯᠤᠨ᠎ᠠ᠃ ᠤᠬᠤᠷᠬᠠᠢ  ᠶᠢᠨ ᠬᠠᠵᠠᠭᠤ ᠳᠠᠬᠢ ᠪᠦᠷᠭᠦᠭᠦᠯ ᠦᠰᠤ ᠨᠢ ᠵᠤᠯᠭᠠᠷᠠᠳᠠᠭ︔ ᠦᠷᠭᠦᠯᠵᠢ ᠨᠠᠶᠢᠳᠠᠭᠠᠯᠭᠠᠵᠤ᠂ ᠬᠠᠮᠠᠷ ᠨᠢ ᠪᠦᠭᠯᠡᠷᠡᠭᠦ ᠪᠤᠶᠤ ᠨᠢᠯᠴᠠᠭᠠᠢ ᠰᠢᠩᠭᠡᠨ ᠱᠦᠭᠦᠷᠡᠳᠡᠰᠤ ᠭᠤᠭᠤᠵᠢᠨ᠎ᠠ︔ ᠠᠮᠢᠰᠬᠤᠯ ᠨᠢ ᠲᠦᠷᠭᠡᠰᠴᠤ᠂ ᠵᠠᠷᠢᠮ ᠳᠠᠭᠠᠨ ᠴᠢᠴᠠᠭ᠎ᠠ ᠠᠯᠳᠠᠵᠤ᠂ ᠵᠠᠷᠢᠮ ᠳᠠᠭᠠᠨ ᠦᠶ᠎ᠠ ᠭᠡᠰᠢᠭᠦᠤ ᠨᠢ ᠬᠠᠪᠤᠳᠴᠤ ᠪᠦᠳᠦᠭᠦᠷᠨᠨ᠎ᠠ᠃ ᠲᠤᠰ ᠭᠡᠯᠪᠡᠷᠢ  ᠶᠢᠨ ᠭᠡᠮ  ᠤᠨ ᠶᠠᠪᠤᠴᠠ ᠨᠢ ᠨᠡᠯᠢᠶᠡᠳ ᠤᠷᠳᠤ ᠮᠦᠷᠳᠡᠭᠡᠨ ᠭᠡᠮ ᠲᠠᠢ ᠲᠠᠤᠯᠠᠢ ᠭᠡᠳᠦᠭᠡᠨ ᠰᠠᠷ᠎ᠠ ᠯᠡ ᠠᠮᠢᠳᠤᠷᠠᠳᠠᠭ᠃
      3. ᠤᠳᠠᠭᠠᠨ ᠴᠢᠨᠠᠷ  ᠤᠨ ᠭᠡᠯᠪᠡᠷᠢ᠄ ᠲᠠᠷᠠᠤ ᠭᠡᠯᠪᠡᠷᠢ  ᠶᠢᠨ ᠲᠤᠳᠤᠷ᠂ ᠲᠤᠮᠳᠠ ᠴᠢᠭᠢᠨ  ᠤ ᠦᠷᠪᠢᠰᠦᠯ ᠡᠭᠦᠰᠴᠤ᠂ ᠭᠦᠳᠡᠯᠦᠯ ᠨᠢ ᠲᠡᠩᠴᠡᠯ  ᠢᠶᠠᠨ ᠠᠯᠳᠠᠵᠤ᠂ ᠭᠦᠵᠦᠭᠦᠤ ᠭᠢᠯᠵᠢᠢᠨ᠂ ᠭᠠᠳᠠᠷ ᠦᠷᠡᠵᠢᠯ  ᠤᠨ ᠡᠷᠭᠡᠳᠡᠨ ᠳᠤᠨᠢ ᠢᠳᠡᠭᠡᠳᠤ ᠬᠠᠪᠤᠳᠠᠷ ᠢᠯᠡᠷᠡᠭᠦ ᠪᠦᠭᠡᠳ ᠤᠮᠠᠢ ᠳᠤᠨᠢ ᠢᠳᠡᠭᠡ ᠰᠢᠭᠦᠰᠤ ᠴᠤᠠᠠᠯᠠᠷᠠᠬᠤ ᠪᠤᠶᠤ ᠲᠦᠮᠦᠰᠤᠨ  ᠤ ᠦᠷᠪᠢᠰᠦᠯ ᠤᠯᠤᠨ᠎ᠠ᠃ ᠠᠷᠠᠰᠤ ᠨᠢ ᠵᠠᠷᠢᠮ ᠳᠠᠭᠠᠨ ᠢᠳᠡᠭᠡᠯᠡᠨ ᠬᠠᠪᠤᠳᠴᠤ᠂ ᠢᠳᠡᠭᠡ ᠰᠢᠭᠦᠰᠤ ᠨᠢ ᠨᠢᠯᠴᠠᠭᠠᠢ ᠪᠤᠶᠤ ᠰᠢᠷᠬᠠᠯᠠᠭ᠎ᠠ ᠨᠢ ᠬᠠᠭᠠᠷᠠᠨ ᠭᠤᠭᠤᠵᠢᠳᠠᠭ︔ ᠡᠭᠡᠯᠵᠢᠯᠡᠯ  ᠤᠨ ᠴᠢᠨᠠᠷᠳᠡᠢ ᠪᠠᠷ ᠴᠢᠴᠠᠭ᠎ᠠ ᠠᠯᠳᠠᠳᠠᠭ ᠪᠠᠶᠢᠨ᠎ᠠ᠃    
       ᠡᠮᠨᠡᠨ ᠵᠠᠰᠠᠬᠤ᠄ ᠴᠢᠩ ᠮᠸᠢ ᠰᠤ᠋ ᠪᠤᠯᠤᠨ ᠯᠢᠶᠠᠨ ᠮᠸᠢ ᠰᠤ᠋  ᠶᠢ ᠬᠠᠮᠳᠤ ᠳᠤᠨᠢ ᠭᠡᠷᠡᠭᠯᠡᠨ᠎ᠡ᠂ ᠪᠡᠶ᠎ᠠ  ᠶᠢᠨ ᠭᠦᠨᠳᠤ ᠪᠠᠷ ᠡᠮ  ᠤᠨ ᠭᠡᠮᠵᠢᠶ᠎ᠠ  ᠶᠢ ᠲᠤᠠᠠᠳᠠᠭᠠᠵᠤ ᠪᠤᠯᠴᠢᠩ ᠮᠢᠬᠠᠨ ᠳᠤᠨᠢ ᠡᠳᠤᠷ ᠲᠤ ᠬᠤᠶᠠᠷ ᠤᠳᠠᠭ᠎ᠠ ᠲᠠᠷᠢᠨ᠎ᠠ᠃ ᠡᠭᠦᠨ  ᠤ ᠬᠠᠮᠳᠤ ᠭᠦᠭᠦᠷᠯᠢᠭ ᠠᠮᠢᠨ  ᠤ ᠲᠦᠷᠦᠯ  ᠤᠨ ᠡᠮᠳᠤ ᠪᠤᠳᠠᠰ  ᠢ ᠺᠢᠯᠦᠭᠷᠡᠮ ᠪᠦᠷᠢ ᠪᠡᠶ᠎ᠠ  ᠶᠢᠨ ᠭᠦᠨᠳᠤ ᠳᠤ ᠡᠳᠤᠷ ᠲᠤ 0.05 ~ 0.2 ᠭᠷᠡᠮ  ᠢᠶᠠᠷ 2 ᠤᠳᠠᠭ᠎ᠠ ᠦᠭᠴᠤ ᠤᠤᠭᠤᠯᠭᠠᠨ᠎ᠠ᠃
       ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠭᠦ᠄ ᠫᠠᠰᠲᠸᠦ᠋ᠷ ᠰᠠᠪᠬᠠᠨ ᠪᠠᠺᠲ᠋ᠧᠷᠢ  ᠶᠢ ᠠᠷᠪᠢᠨ ᠠᠯᠬᠠᠰᠠᠨ ᠦᠭᠡᠢ ᠦᠷ᠎ᠠ  ᠶᠢᠨ  ᠲᠠᠤᠯᠠᠢ  ᠶᠢᠨ ᠰᠦᠷᠦᠭ  ᠢ ᠪᠠᠶᠢᠭᠤᠯᠬᠤ ᠪᠤᠯ ᠲᠤᠰ ᠭᠡᠮ  ᠤᠨ ᠡᠭᠦᠰᠭᠦ  ᠶᠢ ᠰᠡᠷᠭᠡᠶᠢᠯᠡᠭᠦ ᠬᠠᠮᠤᠭ  ᠤᠨ ᠰᠠᠶᠢᠨ ᠠᠷᠭ᠎ᠠ ᠪᠤᠯᠤᠨ᠎ᠠ᠃ ᠦᠷ᠎ᠠ  ᠶᠢᠨ ᠲᠠᠤᠯᠠᠢ ᠤᠷᠤᠭᠤᠯᠬᠤ ᠦᠶ᠎ᠠ ᠳᠤ ᠬᠠᠮᠠᠷ  ᠤᠨ ᠦᠷᠪᠢᠰᠦᠯ  ᠤᠨ ᠡᠮᠴᠢᠯᠡᠭᠡᠨ  ᠤ ᠰᠢᠨᠵᠢ ᠲᠡᠮᠳᠡᠭ ᠦᠭᠡᠢ  ᠶᠢ ᠨᠢ ᠰᠤᠩᠭᠤᠵᠤ᠂ ᠬᠠᠮᠠᠷ  ᠤᠨ ᠭᠦᠨᠳᠡᠢ ᠳᠤᠨᠢ ᠦᠷᠭᠦᠯᠵᠢᠯᠡᠨ ᠪᠠᠺᠲ᠋ᠧᠷᠢ  ᠶᠢᠨ ᠰᠤᠳᠤᠯᠤᠯ  ᠤᠨ ᠪᠠᠶᠢᠴᠠᠭᠠᠯᠳᠠ ᠭᠢᠵᠤ᠂ ᠲᠤᠰ ᠭᠡᠮ  ᠤᠨ ᠪᠠᠺᠲ᠋ᠧᠷᠢ ᠦᠭᠡᠢ ᠦᠷ᠎ᠡ  ᠶᠢᠨ ᠲᠠᠤᠯᠠᠢ  ᠶᠢ ᠲᠤᠰᠠᠭᠠᠷᠯᠠᠨ ᠠᠷᠠᠴᠢᠯᠡᠨ ᠲᠡᠵᠢᠭᠡᠵᠤ 1 ᠰᠠᠷ᠎ᠠ ᠠᠵᠢᠠᠠᠯᠬᠠᠰᠠᠨ  ᠤ ᠲᠠᠷᠠᠭ᠎ᠠ ᠶᠠᠮᠠᠷ ᠴᠤ ᠭᠡᠮ ᠭᠢᠵᠢᠭ ᠦᠭᠡᠢ ᠪᠤᠯ ᠲᠠᠤᠯᠠᠢ  ᠶᠢᠨ ᠰᠦᠷᠦᠭ ᠲᠤ ᠫᠠᠰᠲᠸᠦ᠋ᠷ ᠰᠠᠪᠬᠠᠨ ᠪᠠᠺᠲ᠋ᠧᠷᠢ  ᠶᠢᠨ ᠤᠰᠤᠮᠬᠠᠳᠤ ᠭᠦᠡᠭᠭᠡᠨ ᠴᠠᠭᠠᠨ  ᠤ ᠪᠠᠺᠲ᠋ᠧᠷᠢ  ᠶᠢᠨ ᠸᠠᠺᠼᠢᠨ  ᠤ ᠭᠢᠵᠢᠭ ᠠᠴᠠ ᠭᠡᠯᠳᠦᠷᠢᠭᠦᠯᠭᠦ ᠲᠠᠷᠢᠯᠭ᠎ᠠ ᠲᠠᠷᠢᠬᠤ ᠭᠡᠷᠡᠭᠳᠡᠢ᠃