ᠡᠭᠡ ᠮᠠᠯ  ᠤᠨ ᠲᠦᠯᠯᠡᠭᠦ ᠡᠳᠤᠷ ᠬᠤᠭᠤᠴᠠᠭ᠎ᠠ  ᠶᠢ ᠤᠨᠤᠪᠴᠢᠳᠠᠢ ᠪᠤᠳᠤᠵᠤ ᠭᠠᠷᠭᠠᠴᠢᠬᠠᠪᠠᠯ ᠲᠦᠯ ᠲᠤᠰᠬᠤ ᠠᠴᠠ ᠡᠮᠦᠨᠡᠭᠢ ᠪᠡᠯᠡᠳᠭᠡᠯ ᠠᠵᠢᠯ  ᠢ ᠰᠠᠶᠢᠨ ᠭᠢᠵᠤ᠂ ᠲᠦᠯᠯᠡᠭᠰᠡᠨ ᠡᠭᠡ ᠮᠠᠯ  ᠢ ᠰᠠᠶᠢᠳᠤᠷ ᠠᠷᠠᠴᠢᠯᠠᠨ ᠲᠤᠳᠤᠮᠳᠠᠬᠤ ᠪᠡ ᠲᠦᠯ  ᠤᠨ ᠤᠨᠳᠤᠷᠤᠯᠳᠠ ᠪᠤᠶᠢᠵᠢᠯᠳᠡ  ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠳᠤ ᠴᠦᠮ ᠴᠢᠬᠤᠯᠠ ᠠᠴᠢ ᠬᠤᠯᠪᠤᠠᠠᠳᠠᠯ ᠲᠠᠢ ᠶᠤᠮ᠃ ᠡᠭᠡ ᠮᠠᠯ  ᠤᠨ ᠲᠦᠯᠯᠡᠭᠦ ᠡᠳᠤᠷ ᠬᠤᠭᠤᠴᠠᠭ᠎ᠠ  ᠶᠢ ᠲᠤᠤᠷᠠᠭᠢ ᠬᠤᠶᠠᠷ ᠠᠷᠭ᠎ᠠ ᠪᠠᠷ ᠪᠤᠳᠤᠨ ᠭᠠᠷᠭᠠᠵᠤ ᠪᠤᠯᠤᠨ᠎ᠠ᠃
     1. ᠡᠭᠡ ᠮᠠᠯ  ᠢ ᠭᠡᠭᠡᠯᠳᠦᠭᠦᠯᠦᠭᠰᠡᠨ  ᠤ ᠬᠤᠶᠢᠨ᠎ᠠ ᠭᠡᠭᠡᠯ ᠲᠤᠠᠠᠳ᠋ᠬᠠᠰᠠᠨ ᠡᠰᠡᠭᠦ  ᠶᠢ ᠮᠡᠳᠡᠵᠤ ᠠᠪᠬᠤ ᠨᠢ ᠬᠠᠮᠤᠭ ᠠᠴᠠ ᠴᠢᠬᠤᠯᠠ ᠶᠤᠮ᠃ ᠡᠭᠡ ᠮᠠᠯ  ᠤᠨ ᠭᠡᠭᠡᠯ ᠲᠤᠠᠠᠳ᠋ᠬᠠᠰᠠᠨ ᠡᠰᠡᠭᠦ  ᠶᠢ ᠮᠡᠳᠡᠭᠦ ᠳᠤ ᠦᠨᠳᠡᠭᠡᠪᠴᠢ᠂ ᠰᠠᠪᠠ ᠪᠠ ᠬᠤᠷᠮᠤᠨ  ᠤ ᠬᠤᠪᠢᠷᠠᠯᠳᠠ  ᠶᠢ ᠨᠢ ᠰᠢᠭᠤᠳ ᠠᠵᠢᠠᠠᠯᠠᠨ ᠮᠡᠳᠡᠭᠦ ᠳᠤ ᠭᠦᠴᠢᠷ ᠲᠠᠢ ᠪᠤᠯᠪᠠᠴᠤ ᠭᠦᠳᠡᠭᠡ ᠲᠤᠰᠬᠤᠨ ᠮᠠᠯᠵᠢᠬᠤ ᠤᠷᠤᠨ  ᠤ ᠬᠠᠰᠢᠷ ᠮᠠᠯᠴᠢᠳ ᠶᠠᠷᠤ ᠨᠢ ᠡᠯ᠎ᠡ ᠲᠠᠯ᠎ᠠ ᠪᠠᠷ ᠠᠵᠢᠠᠠᠯᠠᠨ ᠰᠢᠨᠵᠢᠵᠤ ᠪᠠᠶᠢᠭᠠᠳ ᠮᠡᠳᠡᠴᠢᠭᠡᠳᠡᠭ᠃ ᠲᠠᠷᠤᠢ ᠡᠭᠡ ᠮᠠᠯ  ᠢ ᠭᠡᠭᠡᠯᠳᠦᠭᠦᠯᠦᠭᠰᠡᠨ  ᠤ ᠬᠤᠶᠢᠨ᠎ᠠ ᠲᠠᠭᠢᠵᠤ ᠤᠷᠤᠭᠠᠨ  ᠤ ᠦᠶᠡᠯᠡᠯ ᠦᠯᠤ ᠭᠠᠷᠬᠤ ︵ᠦᠨᠢᠶ᠎ᠠ 18 ~ 24 ᠬᠤᠨᠤᠭ᠂ ᠢᠮᠠᠭ᠎ᠠ 20 ~21 ᠬᠤᠨᠤᠭ᠂ ᠮᠡᠭᠡᠵᠢ 16 ~ 30 ᠬᠤᠨᠤᠭ ᠲᠤ ᠲᠤᠰᠪᠤᠷᠢ ᠤᠷᠤᠭᠠᠨ  ᠤ ᠦᠶᠡᠯᠡᠯ ᠭᠠᠷᠳᠠᠭ︶᠂ ᠤᠮᠠᠢ  ᠶᠢᠨ ᠰᠦᠪᠡ ᠨᠢ ᠠᠪᠴᠢᠨ ᠪᠠᠭᠠᠰᠬᠤ᠂ ᠠᠮᠤᠷ ᠲᠤᠠᠠᠳᠠᠭᠤᠨ ᠨᠤᠶᠢᠷᠮᠤᠠᠠᠯᠠᠨ ᠤᠨᠳᠠᠬᠤ᠂ ᠠᠭᠠᠰᠢ ᠵᠠᠩ ᠨᠢ ᠨᠤᠮᠤᠬᠠᠷᠠᠬᠤ᠂ ᠲᠠᠵᠢᠭᠡᠯ ᠪᠤᠷᠳᠤᠭ᠎ᠠ ᠢᠳᠡᠭᠦ ᠨᠢ ᠠᠷᠪᠢᠳᠬᠤ᠂ ᠲᠠᠷᠭᠤ ᠭᠦᠴᠤ ᠨᠢ ᠰᠠᠶᠢᠵᠢᠷᠠᠨ᠂ ᠦᠰᠤ ᠨᠤᠤᠰᠤ ᠨᠢ ᠭᠢᠯᠳᠠᠭᠠᠨᠠᠬᠤ ᠵᠡᠷᠭᠡ ᠰᠢᠨᠵᠢ ᠪᠠᠶᠢᠳᠠᠯ ᠲᠠᠢ ᠪᠤᠯ ᠭᠡᠭᠡᠯ ᠲᠤᠠᠠᠳ᠋ᠬᠠᠰᠠᠨ ᠭᠡᠳᠡᠭ  ᠢ ᠮᠡᠳᠡᠵᠤ ᠪᠤᠯᠤᠨ᠎ᠠ᠃
     2. ᠭᠡᠭᠡᠯ ᠲᠤᠠᠠᠳ᠋ᠬᠠᠰᠠᠨ ᠡᠳᠤᠷ ᠠᠴᠠ ᠡᠭᠢᠯᠡᠵᠤ ᠲᠦᠯᠯᠡᠭᠦ ᠡᠳᠤᠷ  ᠢ ᠨᠢ ᠪᠤᠳᠤᠨ ᠭᠠᠷᠭᠠᠨ᠎ᠠ᠃ ᠡᠭᠡ ᠮᠠᠯ  ᠤᠨ ᠭᠡᠭᠡᠯ ᠲᠤᠠᠠᠳ᠋ᠬᠠᠰᠠᠨ ᠠᠴᠠ ᠲᠦᠯᠯᠡᠭᠦ ᠪᠤᠯᠳᠠᠯᠡᠭᠢ ᠦᠶ᠎ᠠ  ᠶᠢ ᠭᠡᠭᠡᠯᠳᠡᠢ ᠦᠶ᠎ᠠ ᠭᠡᠨ᠎ᠠ᠃ ᠡᠭᠡ ᠮᠠᠯ  ᠤᠨ ᠲᠦᠷᠦᠯ ᠵᠤᠶᠢᠯ  ᠤᠨ ᠠᠳᠠᠯᠢ ᠪᠤᠰᠤ ᠠᠴᠠ ᠪᠤᠯᠵᠤ ᠭᠡᠭᠡᠯᠳᠡᠢ ᠦᠶ᠎ᠠ  ᠶᠢᠨ ᠡᠳᠤᠷ ᠬᠤᠨᠤᠭ ᠨᠢ ᠴᠤ ᠠᠳᠠᠯᠢ ᠪᠤᠰᠤ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠦᠨᠢᠶ᠎ᠠ  ᠶᠢᠨ ᠭᠡᠭᠡᠯᠳᠡᠢ ᠦᠶ᠎ᠠ ᠨᠢ 270 ~ 285 ᠬᠤᠨᠤᠭ᠂ ᠢᠮᠠᠭ᠎ᠠ ᠪᠤᠯ 146 ~ 153 ᠬᠤᠨᠤᠭ᠂ ᠮᠡᠭᠡᠵᠢ ᠪᠤᠯ 113 ~ 115 ᠬᠤᠨᠤᠭ ᠪᠠᠶᠢᠳᠠᠭ᠃ ᠶᠠᠷᠤ  ᠶᠢᠨ ᠪᠠᠶᠢᠳᠠᠯ ᠳᠤ᠂ ᠭᠡᠭᠡᠯᠳᠡᠢ ᠡᠭᠡ ᠮᠠᠯ  ᠤᠨ ᠲᠦᠯᠯᠡᠭᠦ ᠡᠳᠤᠷ ᠬᠤᠭᠤᠴᠠᠭ᠎ᠠ  ᠶᠢ ᠪᠤᠳᠤᠨ ᠭᠠᠷᠭᠠᠬᠤ ᠳᠤ ᠭᠡᠭᠡᠯᠳᠦᠭᠦᠯᠦᠭᠰᠡᠨ ᠰᠠᠷ᠎ᠠ ᠪᠠ ᠡᠳᠤᠷ ᠲᠡᠭᠡᠷ᠎ᠠ ᠨᠢ ᠵᠤᠭᠢᠬᠤ ᠡᠳᠤᠷ  ᠤᠨ ᠲᠤᠭ᠎ᠠ  ᠶᠢ ᠨᠡᠮᠡᠭᠦ ᠪᠤᠶᠤ ᠬᠠᠰᠤᠬᠤ ᠠᠷᠭ᠎ᠠ ᠪᠠᠷ ᠪᠤᠳᠤᠵᠤ ᠭᠠᠷᠭᠠᠨ᠎ᠠ᠃ ᠵᠢᠱᠢᠶᠡᠯᠡᠪᠡᠯ ᠦᠨᠢᠶᠠᠨ  ᠤ ᠭᠡᠭᠡᠯᠳᠦᠭᠦᠯᠦᠭᠰᠡᠨ ᠰᠠᠷ᠎ᠠ ᠠᠴᠠ ᠨᠢ 3  ᠶᠢ ᠬᠠᠰᠤᠵᠤ᠂ ᠭᠡᠭᠡᠯᠳᠦᠭᠦᠯᠦᠭᠰᠡᠨ ᠡᠳᠤᠷ ᠲᠡᠭᠡᠷ᠎ᠡ ᠨᠢ 10  ᠶᠢ ᠨᠡᠮᠡᠪᠡᠯ ᠲᠠᠷᠤᠢ ᠲᠤᠭᠤᠯᠯᠠᠬᠤ ᠡᠳᠤᠷ  ᠢ ᠪᠤᠳᠤᠨ ᠭᠠᠷᠭᠠᠴᠢᠬᠠᠨ᠎ᠠ᠃ ᠦᠭᠡᠷ᠎ᠡ ᠪᠠᠷ ᠭᠡᠯᠡᠪᠡᠯ᠂ ᠨᠢᠭᠡ ᠦᠨᠢᠶ᠎ᠠ  ᠶᠢ 6 ᠳ᠋ᠤᠭᠠᠷ ᠰᠠᠷ᠎ᠠ  ᠶᠢᠨ 15  ᠤ ᠡᠳᠤᠷ ᠲᠤ ᠭᠡᠭᠡᠯᠳᠦᠭᠦᠯᠦᠭᠰᠡᠨ  ᠢᠶᠠᠷ ᠪᠤᠳᠤᠪᠠᠯ  6 － 3 = 3 ᠪᠤᠯᠵᠤ᠂ 15 +10 = 25 ᠪᠤᠯᠤᠨ᠎ᠠ᠃ ᠲᠡᠭᠡᠪᠡᠯ ᠲᠤᠰ ᠦᠨᠢᠶ᠎ᠠ  ᠶᠢᠨ ᠲᠤᠭᠤᠯᠯᠠᠬᠤ ᠡᠳᠤᠷ ᠬᠤᠭᠤᠴᠠᠭ᠎ᠠ ᠨᠢ ᠢᠷᠡᠭᠦ ᠬᠠᠪᠤᠷ  ᠤᠨ 3 ᠳ᠋ᠤᠭᠠᠷ ᠰᠠᠷ᠎ᠠ  ᠶᠢᠨ 25  ᠤ ᠡᠳᠤᠷ ᠪᠤᠯᠤᠨ᠎ᠠ᠃ ᠡᠭᠦᠨ ᠲᠠᠢ ᠠᠳᠠᠯᠢ ᠪᠠᠷ ᠢᠮᠠᠭᠠᠨ  ᠤ ᠭᠡᠭᠡᠯᠳᠦᠭᠦᠯᠦᠭᠰᠡᠨ ᠰᠠᠷ᠎ᠠ ᠲᠡᠭᠡᠷ᠎ᠡ ᠨᠢ 5  ᠶᠢ ᠨᠡᠮᠡᠭᠡᠳ ᠭᠡᠭᠡᠯᠳᠦᠭᠦᠯᠦᠭᠰᠡᠨ ᠡᠳᠤᠷ ᠠᠴᠠ ᠨᠢ 2  ᠢ ᠬᠠᠰᠤᠪᠠᠯ ᠲᠠᠷᠤᠢ ᠲᠡᠭᠦᠨ  ᠤ ᠢᠰᠢᠭᠡᠯᠡᠭᠦ ᠡᠳᠤᠷ ᠬᠤᠭᠤᠴᠠᠭ᠎ᠠ ᠨᠢ ᠪᠤᠯᠴᠢᠬᠠᠨ᠎ᠠ᠃ ᠮᠡᠭᠡᠵᠢ  ᠶᠢᠨ ᠭᠡᠭᠡᠯᠳᠦᠭᠦᠯᠦᠭᠰᠡᠨ ᠰᠠᠷ᠎ᠠ ᠲᠡᠭᠡᠷ᠎ᠠ ᠨᠢ 4  ᠶᠢ ᠨᠡᠮᠡᠵᠤ᠂ ᠭᠡᠭᠡᠯᠳᠦᠭᠦᠯᠦᠭᠰᠡᠨ ᠡᠳᠤᠷ ᠠᠴᠠ ᠨᠢ 10  ᠶᠢ ᠬᠠᠰᠤᠪᠠᠯ ᠲᠠᠷᠤᠢ ᠲᠡᠭᠦᠨ  ᠤ ᠲᠤᠷᠤᠶᠢᠯᠠᠬᠤ ᠡᠳᠤᠷ ᠬᠤᠭᠤᠴᠠᠭ᠎ᠠ ᠨᠢ ᠪᠤᠯᠬᠤ ᠶᠤᠮ᠃