ᠨᠢᠭᠡ᠂ ᠬᠠᠪᠤᠷ  ᠤᠨ ᠤᠯᠠᠷᠢᠯ  ᠤᠨ ᠮᠠᠯᠵᠢᠯᠭ᠎ᠠ
      ᠬᠠᠪᠤᠷ  ᠤᠨ ᠤᠯᠠᠷᠢᠯ ᠳᠤ ᠠᠳᠤᠭᠤ ᠮᠠᠯᠵᠢᠬᠤ ᠳᠠᠭᠠᠨ ᠨᠦᠮᠦᠷᠢ ᠪᠤᠶᠤ ᠬᠠᠭᠤᠷᠠᠢ ᠭᠦᠷᠦᠰᠤ ᠲᠠᠢ᠂ ᠤᠷᠭᠤᠴᠠ ᠰᠠᠶᠢᠳᠠᠢ ᠪᠠᠯᠴᠢᠭᠡᠷ  ᠢ ᠰᠤᠩᠭᠤᠪᠠᠯ ᠲᠤᠭᠢᠷᠠᠮᠵᠢᠳᠡᠢ᠃ ᠡᠨᠡ ᠦᠶ᠎ᠠ ᠳᠤ ᠪᠡᠯᠴᠢᠭᠡᠷ  ᠤᠨ ᠰᠢᠮ᠎ᠠ ᠮᠠᠭᠤ ᠪᠠᠶᠢᠳᠠᠭ ᠠᠴᠠ ᠠᠳᠤᠭᠤᠨ  ᠤ ᠢᠳᠡᠰᠢᠯᠡᠭᠦ ᠬᠤᠭᠤᠴᠠᠭ᠎ᠠ  ᠶᠢ ᠪᠤᠯᠬᠤ ᠤᠷᠳᠤᠰᠬᠠᠪᠠᠯ ᠵᠤᠭᠢᠨ᠎ᠠ᠃ ᠠᠳᠤᠭᠤ  ᠶᠢ ᠡᠳᠤᠷ ᠪᠦᠷᠢ ᠤᠰᠤᠯᠠᠬᠤ ᠮᠦᠷᠳᠡᠭᠡᠨ ᠠᠵᠢᠷᠭ᠎ᠠ ᠪᠠᠷ ᠨᠢ ᠬᠤᠪᠢᠶᠠᠨ ᠤᠰᠤᠯᠠᠵᠤ ᠬᠤᠳᠳᠤᠭ ᠰᠠᠭᠢᠭᠤᠯᠬᠤ ᠦᠭᠡᠢ ᠪᠠᠷ ᠪᠡᠯᠴᠢᠭᠡᠷ ᠲᠤ ᠲᠦᠷᠭᠡᠨ ᠪᠡᠯᠴᠢᠭᠡᠭᠦ ᠨᠢ ᠴᠤ ᠴᠢᠬᠤᠯᠠ ᠶᠤᠮ᠃ ᠨᠤᠭᠤᠭᠠᠨ ᠳᠤ ᠡᠷᠳᠡ ᠴᠠᠳᠬᠠᠬᠤ  ᠶᠢᠨ ᠲᠦᠯᠦᠭᠡ ᠬᠠᠪᠤᠷ  ᠤᠨ ᠤᠯᠠᠷᠢᠯ ᠳᠤ ᠰᠠᠯᠭᠢ ᠲᠠᠭᠠᠭᠤᠯᠤᠨ 2 ~ 3 ᠤᠳᠠᠭ᠎ᠠ ᠭᠦᠯᠦᠷᠡᠭᠡᠪᠡᠯ ᠵᠤᠨ ᠨᠠᠮᠤᠷ ᠰᠠᠶᠢᠨ ᠲᠠᠷᠭᠤ ᠠᠪᠳᠠᠭ᠃
      ᠬᠤᠶᠠᠷ᠂ ᠵᠤᠨ  ᠤ ᠤᠯᠠᠷᠢᠯ  ᠤᠨ ᠮᠠᠯᠵᠢᠯᠭ᠎ᠠ
     ᠵᠤᠨ  ᠤ ᠤᠯᠠᠷᠢᠯ ᠳᠤ ᠠᠳᠤᠭᠤ ᠬᠠᠷᠢᠭᠤᠯᠵᠤ ᠮᠠᠯᠵᠢᠬᠤ ᠳᠠᠭᠠᠨ ᠠᠭᠤᠵᠢᠭᠤ ᠭᠦᠨᠳᠡᠢ ᠨᠠᠷᠢᠨ ᠡᠪᠡᠰᠤ ᠲᠠᠢ ᠰᠤᠷᠭᠤᠭ ᠪᠡᠯᠴᠢᠭᠡᠷ  ᠢ ᠰᠤᠩᠭᠤᠬᠤ ᠨᠢ ᠵᠤᠶᠢᠳᠡᠢ᠂ ᠡᠭᠦᠨ ᠳᠤ ᠰᠠᠷᠢᠭᠦᠨ ᠲᠡᠨᠵᠢ᠂ ᠬᠤᠸᠠ ᠲᠤᠯᠤᠭᠠᠢ  ᠶᠢᠨ ᠪᠡᠯᠴᠢᠭᠡᠷ ᠪᠤᠶᠤ ᠭᠤᠤᠯ  ᠤᠨ ᠭᠦᠪᠡᠭᠡ ᠲᠠᠭᠠᠤ  ᠶᠢᠨ ᠨᠠᠷᠢᠨ ᠭᠢᠶᠠᠭ᠂ ᠬᠠᠭᠳᠠ᠂ ᠶᠦᠷᠭᠦᠭ᠂ ᠭᠢᠯᠭᠠᠨ᠎ᠠ ᠵᠡᠷᠭᠡ ᠡᠪᠡᠰᠤ ᠲᠠᠢ ᠪᠡᠯᠴᠢᠭᠡᠷ  ᠢ ᠰᠤᠩᠭᠤᠪᠠᠯ ᠨᠡᠯᠢᠶᠡᠳ ᠲᠤᠭᠢᠷᠠᠮᠵᠢᠳᠡᠢ᠃ ᠵᠤᠨ  ᠤ ᠤᠯᠠᠷᠢᠯ ᠳᠤ ᠪᠡᠯᠴᠢᠭᠡᠷ ᠲᠤᠭᠢᠷᠬᠠᠰᠠᠨ ᠠᠳᠤᠭᠤᠨ  ᠤ ᠬᠤᠮᠤᠯ ᠨᠢ ᠵᠠᠳᠠᠭᠠᠶᠢᠷᠠᠵᠤ ᠶᠡᠭᠡᠰᠤᠨ ᠦᠡᠭᠭᠡ ᠵᠢᠰᠤ ᠤᠷᠤᠵᠤ ᠲᠤᠠᠠᠳᠠᠪᠤᠷᠢᠳᠡᠢ ᠢᠳᠡᠰᠢᠯᠡᠳᠡᠭ᠃
      ᠠᠳᠤᠭᠤᠨ ᠳᠤ ᠪᠠᠷᠳᠠᠭ᠎ᠠ ᠶᠡᠭᠡᠳᠡᠢ ᠭᠠᠵᠠᠷ  ᠤᠨ ᠪᠡᠯᠴᠢᠭᠡᠷ ᠵᠤᠭᠢᠴᠠᠳᠠᠭ ᠦᠭᠡᠢ ᠶᠤᠮ᠃ ᠠᠳᠤᠭᠤ  ᠶᠢ ᠬᠤᠷᠢᠶᠠᠬᠤ ᠳᠠᠭᠠᠨ ᠡᠳᠤᠷ ᠪᠦᠷᠢ ᠭᠦᠭᠡᠭᠡᠵᠤ ᠭᠦᠯᠦᠷᠡᠭᠡᠵᠤ ᠪᠤᠯᠬᠤ ᠦᠭᠡᠢ᠃ ᠢᠯᠠᠩᠭᠤᠶ᠎ᠠ ᠨᠠᠮᠤᠷ  ᠤᠨ ᠤᠯᠠᠷᠢᠯ  ᠤᠨ ᠲᠤᠰᠤᠨ ᠭᠦᠯᠦᠰᠤᠨ  ᠤ ᠦᠶ᠎ᠠ ᠳᠤ ᠠᠳᠤᠭᠤ  ᠶᠢ ᠶᠡᠭᠡ ᠭᠦᠭᠡᠭᠡᠪᠡᠯ ᠡᠴᠡᠵᠤ ᠲᠤᠷᠠᠬᠤ  ᠶᠢ ᠨᠢ ᠲᠦᠷᠭᠡᠳᠭᠡᠳᠡᠭ᠃ ᠡᠶᠢᠮᠤ ᠠᠴᠠ ᠠᠳᠤᠭᠤᠨ ᠳᠤ ᠪᠠᠯᠴᠢᠭᠡᠷ ᠲᠤᠭᠢᠷᠠᠵᠤ ᠪᠠᠶᠢᠪᠠᠯ ᠲᠤᠠᠠᠳᠠᠭᠤᠨ ᠨᠠᠯᠠᠭᠠᠷ ᠲᠠᠷᠠᠵᠤ ᠢᠳᠡᠰᠢᠯᠡᠨ᠎ᠡ᠃ ᠠᠳᠤᠭᠤ ᠡᠪᠡᠰᠤ᠂ ᠨᠤᠭᠤᠭ᠎ᠠ  ᠶᠢ ᠰᠤᠷᠴᠢᠯᠠᠨ ᠲᠠᠭᠤᠵᠤ ᠢᠳᠡᠰᠢᠯᠡᠳᠡᠭ ᠪᠦᠭᠡᠳ ᠮᠠᠯ  ᠤᠨ ᠭᠦᠯ ᠳᠤ ᠭᠢᠰᠭᠢᠭᠳᠡᠭᠰᠡᠨ ᠦᠡᠭ ᠡᠪᠡᠰᠤ᠂ ᠤᠷᠭᠤᠮᠠᠯ ᠲᠠᠢ ᠭᠠᠵᠠᠷ ᠲᠤ ᠲᠤᠠᠠᠳᠠᠪᠤᠷᠢ ᠮᠠᠭᠤ ᠲᠠᠢ ᠪᠠᠶᠢᠳᠠᠭ ᠪᠤᠯᠬᠤᠷ ᠰᠤᠷᠭᠤᠭ ᠪᠡᠯᠴᠢᠭᠡᠷ ᠲᠤ ᠬᠠᠷᠢᠭᠤᠯᠤᠨ ᠮᠠᠯᠵᠢᠬᠤ ᠨᠢ ᠨᠡᠩ ᠴᠢᠬᠤᠯᠠ ᠶᠤᠮ᠃ ᠠᠳᠤᠭᠤᠨ ᠳᠤ ᠵᠤᠨ  ᠤ ᠤᠯᠠᠷᠢᠯ ᠳᠤ ᠤᠶᠢᠷ᠎ᠠ ᠬᠠᠪᠢ  ᠶᠢᠨ ᠪᠠᠯᠴᠢᠭᠡᠷ  ᠢ ᠰᠤᠩᠭᠤᠨ ᠰᠡᠯᠭᠦᠵᠤ᠂ ᠬᠠᠯᠠᠭᠤᠨ ᠡᠳᠤᠷ ᠬᠤᠳᠳᠤᠭ  ᠤᠨ ᠤᠰᠤ ᠪᠠᠷ 1 ~ 2 ᠤᠳᠠᠭ᠎ᠠ ᠬᠠᠨᠳᠠᠯ᠎ᠠ ᠤᠰᠤᠯᠠᠵᠤ ᠰᠠᠯᠭᠢ ᠰᠦᠷᠦᠭᠦᠯᠦᠨ ᠪᠡᠯᠴᠢᠭᠡᠷᠯᠡᠭᠦᠯᠪᠡᠯ ᠲᠠᠷᠭᠤ ᠭᠦᠴᠤ ᠠᠪᠬᠤ ᠳᠤ ᠰᠠᠶᠢᠨ ᠪᠠᠶᠢᠳᠠᠭ᠃ ᠠᠳᠤᠭᠤ ᠵᠤᠨ᠂ ᠨᠠᠮᠤᠷ  ᠤᠨ ᠤᠯᠠᠷᠢᠯ ᠳᠤ ᠪᠡᠯᠴᠢᠭᠡᠷ ᠲᠤ 15 ~ 16 ᠴᠠᠭ ᠢᠳᠡᠰᠢᠯᠡᠭᠦ ᠳᠡᠭᠡᠨ 25 ~ 30 ᠺᠢᠯᠦᠭᠷᠡᠮ ᠡᠪᠡᠰᠤ᠂ ᠨᠤᠭᠤᠭ᠎ᠠ ᠪᠤᠶᠤ 8 ~ 10 ᠺᠢᠯᠦᠭᠷᠡᠮ ᠡᠪᠡᠰᠤ ᠢᠳᠡᠰᠢᠯᠡᠳᠡᠭ ᠲᠤᠯᠠ ᠠᠯᠢ ᠪᠤᠯᠬᠤ ᠪᠠᠷ ᠴᠠᠭ ᠢ ᠨᠢ ᠤᠷᠳᠤᠰᠬᠠᠨ ᠢᠳᠡᠰᠢᠯᠡᠭᠦᠯᠭᠦ  ᠶᠢ ᠠᠩᠬᠠᠷᠪᠠᠯ ᠵᠤᠭᠢᠨ᠎ᠠ᠃ ᠡᠭᠦᠨ  ᠤ ᠲᠠᠭᠠᠤ ᠳᠤ ᠪᠠᠰᠠ ᠠᠳᠤᠭᠤ  ᠶᠢ ᠲᠤᠠᠠᠳᠠᠮᠠᠯ ᠬᠤᠵᠢᠷᠯᠠᠵᠤ ᠪᠠᠶᠢᠪᠠᠯ ᠰᠠᠶᠢᠨ ᠶᠤᠮ᠃ ᠠᠳᠤᠭᠤᠨ  ᠤ ᠪᠡᠯᠴᠢᠭᠡᠷ  ᠢ ᠬᠤᠪᠢᠶᠠᠷᠢᠯᠠᠨ ᠲᠠᠰ ᠲᠠᠷᠠᠭᠠᠯᠠᠯ ᠲᠠᠢ ᠠᠰᠢᠠᠠᠯᠠᠨ᠂ ᠡᠳᠤᠷ ᠪᠤᠯ ᠢᠳᠡᠰᠢᠯᠡᠭᠦᠯᠵᠤ᠂ ᠰᠦᠨᠢ ᠳᠡᠭᠡᠨ ᠮᠠᠨᠠᠵᠤ ᠬᠤᠨᠤᠪᠠᠯ ᠰᠠᠶᠢᠨ ᠪᠠᠶᠢᠳᠠᠭ᠃